പ്രമുഖ കമ്പനികളുടെ ഉത്പന്നങ്ങൾ മാർക്കറ്റിൽ ഇറങ്ങുമ്പോഴും, കായിക മേളകൾ സംഘടിപ്പികുമ്പോഴും, ചാരിറ്റി പ്രവർത്തനങ്ങൾക്ക് വേണ്ടിയും, പൊതു പ്രവർത്തനങ്ങൾക്ക് അവബോധനം നല്കുന്നതിനും, കമ്പനികളുടെ മാർക്കെറ്റിംഗ് സംബന്ധമായ പത്ര സമ്മേളനങ്ങൾ വിളിച്ചു കൂട്ടുന്നതിനും ഗിന്നസ് പ്രവർത്തകരുടെ സേവനം ലഭ്യമാണ്. ഏറ്റവും കൂടുതൽ വേൾഡ് റെക്കോർഡുകൾ സ്രിഷ്ടിക്കപെടുന്നതും ഈ വേളയിൽ ആണ്. ഉദാഹരണത്തിന് നിങ്ങളുടെ ഉത്പന്നത്തിന് കൂടുതൽ വിപണനം ഉണ്ടാക്കിയെടുക്കണം എന്ന് കരുതുക. ഏതു തരത്തിലുള്ള വേൾഡ് റെക്കോർഡ്‌ ആണ് ഉണ്ടാക്കി എടുക്കേണ്ടത് എന്നറിയാൻ ഗിന്നസ്കാരുടെ ഉപദേശം തേടിയാൽ അവർ നിങ്ങളെ സഹായിക്കുന്നതാണ്.

5) നിർബന്ധമായും പാലിക്കേണ്ട മറ്റു മൂന്നു കാര്യങ്ങൾ ഇനി പറയാം. പരിപാടി ഉടനീളം ചിത്രീകരിക്കുന്ന വീഡിയോ (കൂട്ടിച്ചേർക്കൽ പാടില്ല, ചിത്രങ്ങൾ  വ്യക്തവും ആയിരിക്കണം), നിശ്ചല ചിത്രങ്ങൾ, കൂടെ രണ്ടു സാക്ഷികളും, പരിപാടിയുടെ സമ്പൂർണമായ സമയക്രമവും, പാലിച്ചു പോന്ന നിയമങ്ങളും എഴുതി തയ്യാറാക്കി, അത് സത്യസന്ധമാണെന്ന് സാക്ഷ്യപെടുത്തുന്ന കയ്യൊപ്പ് ഇടുകയാണ് സാക്ഷികളുടെ ജോലി.

6) ഇതെല്ലാം കൂടി ഗിന്നസ് ബുക്ക്‌ വെബ്സൈറ്റ് നിർദേശിക്കുന്ന വിലാസത്തിൽ അയച്ചു കൊടുക്കുന്നതോട് കൂടി നിങ്ങളുടെ ജോലി കഴിഞ്ഞു. ഇനിയെല്ലാം അവരു നോക്കിക്കോളും, രണ്ടു മൂന്നു മാസത്തിനുള്ളിൽ, നിങ്ങൾ അയച്ച റെക്കോർഡും തെളിവുകളും ഒത്തു നോക്കി യോഗ്യമാണെന്നു തെളിഞ്ഞാൽ ഗിന്നസ് ബുക്കിന്റെ അവാർഡ്‌ തപാലിൽ ലഭിക്കും. അഥവാ എന്തെങ്കിലും കുറവ് കൊണ്ട് അയോഗ്യമാക്കിയാൽ, വീണ്ടും  ശ്രമിക്കാവുന്നതാണ്. ഉടനെ തന്നെ അവാർഡ് ലഭ്യമാക്കാൻ ഗിന്നസ് ബുക്കിൻറെ നിയമ ഉപദേശകൻറെ സേവനം ആവശ്യപെടുകയാണ് ഉചിതം. ഇനി ആരെങ്കിലും നിങ്ങൾ ഉണ്ടാക്കിയ റെക്കോർഡ്‌ മറി കടക്കുകയാണ്എന്ന് കരുതുക. അപ്പോഴും ഈ ചെയ്തത്‌ എല്ലാം വീണ്ടും ആവർത്തിക്കണം. മാത്രവുമല്ല, നിങ്ങളെ മറി കടന്നവരെ നിങ്ങൾ വീണ്ടും തോൽപ്പിക്കണം. ഇല്ലെങ്ങിൽ നിങ്ങൾ കഷ്ടപ്പെട്ട് ഉണ്ടാക്കിയ റെക്കോർഡ്‌ മറ്റവന്റെ കയ്യിലിരിക്കും.

7) ഒരു വർഷം 50,000 ത്തിൽ കൂടുതൽ പേർ ഗിന്നസ് നേടുന്നുണ്ട്‌ എങ്കിലും, അതിൽ ഏറ്റവും നല്ല 4,000 പേർക്കു മാത്രമേ ഗിന്നസ് ബുക്കിൽ ഇടം കൊടുക്കുകയുള്ളൂ. അതുകൊണ്ട് നിങ്ങൾ ഉണ്ടാക്കിയ സംഭവം എത്ര വലുതാണ് എങ്കിലും. പുസ്തകത്തിൽ കയറാമെന്ന് ഒരു ഉറപ്പും അവരുടെ ഭാഗത്ത്‌ നിന്നും തരില്ല. പുസ്തകത്തിൻറെ വലുപ്പവും നിലവാരവും നിയന്ത്രിക്കാനും കൂടുതൽ പേരേ ഇതിലേക്ക് ആകർഷിക്കാനും വേണ്ടിയാണു ഇങ്ങനെ ചെയ്യുന്നത്. അഥവാ ഗിന്നസ് ബുക്കിൽ കയറി കൂടിയില്ലെങ്കിലും നിങ്ങൾ ചെയ്തത് എല്ലാം വെറുതെയായി എന്ന് കരുതണ്ട. നിങ്ങളുടെ പേരിൻറെ കൂടെ ഒരു "ഗിന്നസ്" തനിയേ വീണിരിക്കും. അതു നാട്ടുകാർ നിങ്ങൾക്ക് തരുന്ന ചെറിയ ഉപഹാരം.
ഉയരം കൊണ്ട് നിങ്ങൾ ലോകത്തിൽ ഒന്നാമനാണെന്ന് കരുതുക, നിങ്ങളുടെ ശരീരത്തിന്  വലുപ്പം കൂടുതലാണെന്ന് പറഞ്ഞു അപേക്ഷ സമർപ്പിക്കാം. മറ്റൊരാൾ ഇതിനെ മറി കടക്കാൻ അപേക്ഷ കൊടുക്കാത്തിടം കാലം നിങ്ങൾ തന്നെ ഒന്നാമത് എന്നു വേണം കരുതാൻ. ലോകത്തിൽ ഏറ്റവും ഉയരം കൂടുതൽ സ്ത്രീ ഉള്ളപ്പോൾ നീളം കൂടുതൽ ഉള്ള കയ്യിനും കാലിനും വെവ്വേറെ സ്ത്രീകൾക്ക് അവാർഡുകൾ നില നില്ക്കുന്നുണ്ട് എന്നതാണ് വിചിത്രം.


ഇങ്ങനെയൊക്കെ ആണെങ്കിലും, ഈ കച്ചവട പുസ്തകത്തിൽ കയറിപറ്റാൻ വേണ്ടി, ഒരു പാട് പേർ അപകടത്തിൽ പെടുകയും മരണപ്പെടുകയും ചെയ്തിട്ടുണ്ട്. അവരുടെ ശവകുടീരത്തിൽ ഒരു പൂ വെക്കാൻ പോലും "ഗിന്നസ്" കാര് വരുമെന്ന് കരുതണ്ട. എന്തെങ്കിലും ആവശ്യത്തിനു വിളിച്ചു ചോദിച്ചാൽ, നിങ്ങളുടെ കസ്സർത്തുകൾ വീണ്ടും ശ്രമിച്ചു കൊണ്ടിരിക്കാനാകും മറുപടി. മനോഹരമായ വർണ്ണ താളുകളിൽ വിവിധ രാജ്യത്തിലെ ആളുകൾ ഉണ്ടാക്കുന്ന റെക്കോർഡുകൾ അച്ചടിക്കുക എന്നതിലുപരി, നിങ്ങളുടെ ജീവന് യാതൊരു ഉത്തരവാദിത്ത്വവും ഏറ്റെടുക്കുകയില്ല എന്നത് വളരെ കൃത്യമായി വെബ്‌സൈറ്റിൽ വിവരിക്കുന്നുണ്ട്. ഒരു രാജ്യമോ, സർവകലാശാലയോ നല്കുന്ന പദവിയോ അംഗീകാരമോ ആയി ഇതിനെ കാണാൻ കഴിയില്ല എന്നതും മറ്റൊരു വസ്തുതയാണ്.





പശ്ചിമ ബംഗാള്‍ പോലീസില്‍ ഹോം ഗാര്‍ഡായ ശൈലേന്ദ്ര നാഥ് റോയി (48) ആണ് ഗിന്നസ് ബുക്കില്‍ ഇടംപിടിക്കാനുള്ള ശ്രമത്തിനിടെ മരിച്ചത്. മുടിയില്‍ തൂങ്ങി കൂടുതല്‍ ദൂരം സഞ്ചരിച്ചതിന്റെ ലോകറെക്കോഡ് നിലവില്‍ ശൈലേന്ദ്ര നാഥ് റോയുടെ പേരിലാണ്. 2011 മാര്‍ച്ച് 1ന് രാജസ്ഥാനിലെ അല്‍വാര്‍ ജില്ലയിലാണ് 270 അടി മുടിയില്‍ തൂങ്ങി സഞ്ചരിച്ച് റോയ് ലോകറെക്കോഡ് സ്ഥാപിച്ചത്‌. തന്റെ പേരിലുള്ള റെക്കോഡ് തിരുത്താനുള്ള ശ്രമത്തിനിടെയായിരുന്നു അപകടം.

അവലംബം: guinnessworldrecords, wikipedia, wikihow, reporterlive