Thursday, December 5, 2013
ആയിരം പേർ പങ്കെടുത്ത 150KM സൈക്കിൾ മാരത്തോണ്
Posted by VaITube | Thursday, December 5, 2013 | Category:
|
ദുബായിയിൽ നിന്ന് അബുദാബിയിലേക്കൊരു സൈക്കിൾ യാത്ര ...അതും ആയിരം പേർ ....!
യുഎഇ 42-ത്തെ ദേശീയ ദിനാഘോഷത്തോടനുബന്ധിച്ച് ദുബായ് യൂണിയന് ഹൌസില് നിന്ന് അബുദാബിയിലേക്ക് നടന്ന ഫ്ലാഗ് ടു ഫ്ലാഗ് എന്ന പേരില് നടത്തിയ സൈക്കിള് റാലിയില് വികലാംഗരുള്പ്പെടെ ആയിരത്തോളം പേര് പങ്കെടുത്തു. നൂറ്റമ്പത് കിലോമീറ്റര് നീളത്തിലാണ് സൈക്കിള് മാരത്തോണ് ഏഴു മണിക്കൂര് സമയമെടുത്താണ് വൈകിട്ട് മൂന്നു മണിക്ക് അബുദാബി ബ്രേക്ക് വാട്ടറിലെ ഹെറിറ്റേജ് വില്ലേജിനു സമീപത്തെ കൂറ്റന് കൊടിമരത്തിനു സമീപം സൈക്കിള് റാലി സമാപിച്ചത്.
ആരോഗ്യമുള്ള ജീവിത രീതി പ്രോല്സാഹിപ്പിക്കുന്നതിന്റെ ഭാഗമായാണ് ദേശീയ ദിനത്തില് യുഎഇ സൈക്ലിങ് ഫെഡറേഷന്റെ ആഭിമുഖ്യത്തില് സൈക്കിള് മാരത്തോണ് സംഘടിപ്പിച്ചത്. 42 വര്ഷം മുന്പ് രാഷ്ട്ര പിതാവ് ഷെയ്ഖ് സായിദ് ബിന് സുല്ത്താന് അല് നഹ്യാന് യുഎഇ രൂപീകരണവേളയില് യുഎഇ ദേശീയ പതാക ഉയര്ത്തിയ ദുബായ് യൂണിയന് ഹൌസ് പരിസരത്തുനിന്ന് രാവിലെ 7 മണിക്കാണ് സൈക്കിള് മാരത്തോണ് റാലി പുറപ്പെട്ടത്. കനത്ത സുരക്ഷയോടെയാണ് സൈക്കിള് മാരത്തോണ് നടന്നത്. ദുബായ്-അബുദാബി പോലീസിന്റെ അകമ്പടിയോടെ ആംബുലൻസ് സേവനവും സജ്ജീവമായിരുന്നു. സൈക്കിളുകൾ തമ്മിലുള്ള ചെറിയ കൂട്ടിയിടികൾ ഉണ്ടായെങ്കിലും, പങ്കെടുത്തവർ റാലിയുടെ സമാപനം വരെ അതീവ ആവേശഭരിതരായിരുന്നു, കാണികൾ ആർപ്പു വിളികളോടെ അനുമോദിച്ചും മൊബൈൽ ഫോണിൽ ഫോട്ടോ എടുത്തും റാലിയെ അനുഗമിച്ചു.
ദുബായ് ജൂമൈറ റോഡിലൂടെയും ഉം സുഖീം റോഡ് മാര്ഗവും നീങ്ങിയ നൂറുകണക്കിനു സൈക്കിളുകള് ഷെയ്ഖ് സായിദ് റോഡിലൂടെ അബുദാബി യാസ് ഐലന്ഡ് വഴി മിനാ പോര്ട്ടിനു മുമ്പിലൂടെ അബുദാബി കോര്ണിഷ് റോഡു വഴിയാണ് ബ്രേക്ക് വാട്ടറിലെത്തിയത്. വഴിയിലുടനീളം യാത്രക്കാരുടെ ദാഹശമനത്തിനായി അഞ്ചു വാട്ടർ സ്റ്റേഷനുകളും സംഘാടകർ ഒരുക്കിയിരുന്നു.
ദുബായ് കിരീടാവകാശി ¨ ഷയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂമിന്റെ രക്ഷാകര്തൃത്വത്തിലായിരുന്നു സൈക്കിള് മാരത്തോണ്. സ്ത്രീകൾ, ഹൈസ്കൂള് വിദ്യാര്ത്ഥികള് മുതല് അംഗവൈകല്യമുള്ളവര്, സര്ക്കാര് ഉദ്യോഗസ്ഥര് തുടങ്ങി എല്ലാ മേഖലയിലുള്ളവരും സ്വദേശികളും വിദേശികളും പങ്കെടുത്ത റാലിയിൽ മലയാളി സാന്നിദ്യവും പ്രകടമായിരുന്നു.