വോയിസ്‌ റെക്കൊർടെർ കൊറിയൻറെ ഒരു വീക്നെസ് ആയിരുന്നു. എവിടെ മീറ്റിങ്ങിനു പോയാലും അവർ ഈ ഉപകരണം കരുതും ... എല്ലാം റെക്കോർഡ്‌ ചെയ്തതിനു ശേഷം പശു അയവെട്ടുന്നത് പോലെ വീണ്ടും വീണ്ടും ആവർത്തിച്ചു കേട്ട് പഠിക്കും. അതിനു ശേഷം മാത്രം മറുപടി കൊടുക്കും. അങ്ങിനെയാണ് പതിവ്.

വേൾഡ് ട്രേഡ് സെൻറെർ തകർന്ന ദിവസം ഞങ്ങൾ എല്ലാരും ഇന്റർനെറ്റ്‌ - ടിവി വാർത്തക്ക് മുന്നിലാണ്. ദിവസവും ന്യൂസ്‌ അപ്ഡേറ്റ് ചെയ്യാൻ ഞങ്ങൾ മത്സരിച്ചു. മനസ്സിനെ നടുക്കിയ സംഭവ ബഹുലമായ ഒരാഴ്ച കടന്നു പോയി. കൊറിയന്മാർ ഇതൊന്നും അറിഞ്ഞ മട്ടില്ല. അവരെല്ലാം അവരുടെ ജോലിയിൽ മാത്രം മുഴുകി പുക വലിച്ചു തള്ളുന്നു. ഏകദേശം പത്തു പണ്ട്രണ്ടു ദിവസം കഴിഞ്ഞു കാണും. ഒരു കൊറിയൻ ഈ സംഭവത്തിൻറെ വീഡിയോ എവിടെ നിന്നോ കണ്ടു ഞങ്ങളുടെ മുന്നിൽ ചാടി വീണു.
"അമേരിക്ക ഹിറ്റ്‌ ഫ്ലൈറ്റ് ഫയർ ട്രേഡ്" കൈ കാലുകൾ കൊണ്ട് ആക്ഷൻ കാണിച്ചു ആശാൻ ഒരു വിധം പറഞ്ഞു ഒപ്പിച്ചു. ചിരി വരുന്നുണ്ട് എങ്കിലും അറിയാത്ത ഭാവത്തിൽ ഞങ്ങൾ കണ്ണും തുറുപ്പിച്ചു നിന്നു. ഞങ്ങളുടെ ഭാഗത്ത്‌ നിന്ന് യാതൊരു അതിശയ ഭാവവും കാണാതായപ്പോൾ കൊറിയന് ദേഷ്യം വന്ന് മാതൃഭാഷയിൽ എന്തോ പുലമ്പി.
"인도 사람은 바보 입니다"
അത് മനസ്സിലാക്കാനുള്ള ബോധമൊക്കെ ഞങ്ങള്ക്ക് ഉണ്ടായിരുന്നതിനാൽ, കൂട്ടത്തിൽ ഉണ്ടായിരുന്ന ചൊറിച്ചു മല്ലൻ ഷിബു ചുട്ട മറുപടി മലയാളം തെറിയിൽ തന്നെ കൊടുത്തു.
"കണ്ടൻ മഴുതകൾ തെറിയൻ കൊണ്ടികൾ"


ഞെങ്ങളെ ഒന്ന് ആക്കി നോക്കിയതിന് ശേഷം കൊറിയൻ പിൻവാങ്ങി. ഇത് റെക്കോർഡ്‌ ചെയ്യുന്ന വിവരം ഞങ്ങൾ അറിഞ്ഞിരുന്നില്ല.

ഒരു ആഴ്ചക്ക് ശേഷം കൊറിയൻറെ പാക്കിസ്ഥാനി ഡ്രൈവർ ഞങ്ങളോട് ചോദിക്കുന്നു...
"കണ്ടിനി മണ്ടി താഴെ കറികൾ" ബോലേ തോ ക്യാ ബയ്യാ ...?

(Press 'R' while reading, however, and everything changes)

പുതിയ കാറ് വാങ്ങാൻ ഷോ റൂമിൽ ചെന്നപ്പോൾ, ഭയങ്കര സ്വീകരണമാണ് (-)എനിക്ക് ലഭിച്ചത്. കോട്ടും സ്യുട്ടും ധരിച്ച അങ്കരക്ഷകന്മാർ രണ്ടു കയ്യും നീട്ടി സ്വീകരിച്ച്, സോഫ്റ്റ്‌ ഡ്രിങ്കും ഓർഡർ ചെയ്ത്, (-)എന്നെ ആനന്ദസാഗരത്തിൽ ചിരിച്ച് മയക്കുമ്പോൾ, (-)എനിക്ക് തന്നെ സ്വയം തോന്നി (-)ഞാനൊക്കെ ഇത്ര വല്യ പുള്ളിയായോ എന്ന്. വലിയ പേരുള്ള ബാങ്കിൻറെ ചെക്ക് ബുക്ക്‌ എല്ലാം ഒപ്പിട്ട് കൊടുത്ത് താക്കോലും വാങ്ങി അഭിമാനപുരസരം കാറോടിച്ച് വീട്ടിലേക്കു പോയി.


പിറ്റേ ദിവസം രാവിലെ (+)നിങ്ങൾ കാറുമെടുത്തു സിറ്റിയിൽ കറങ്ങാൻ വേണ്ടി സ്റ്റാർട്ട്‌ ചെയ്യുമ്പോഴാണ് പുത്തൻ കാറ് പണി മുടക്കിയ വിവരം അറിയുന്നത് . എന്തോ ഒരു ചെറിയ ലൂസ് കോണ്ടാക്റ്റ് കാരണം എഞ്ചിൻ സ്റ്റാർട്ട്‌ ആകുന്നില്ല. ഉടനെ (+)നിങ്ങളുടെ മുഖത്തെ സന്തോഷമെല്ലാം കാർമേഘം വന്നു മൂടുന്നു . കാറ് വാങ്ങിയ ഷോ റൂമിൽ കോണ്ടാക്റ്റ് ചെയ്യുമ്പോൾ ഫോണ്‍ എടുക്കുന്നില്ല. ഒരു ടാക്സി പിടിച്ച് ഉടനെ (+)നിങ്ങൾ ഷോ റൂമിലേക്ക്‌ പായുന്നു.

വീണ്ടും ഒരു കാറ് വാങ്ങാനെന്ന ഭാവത്തിൽ അവർ (-)എന്നെ സ്വീകരിക്കുന്നു. പക്ഷേ (-)എൻറെ പ്രശ്നം പറയുമ്പോൾ ഉടനെ അവരുടെ അഭിനയമെല്ലാം മാറുന്നു. തല്കാലം (-)എന്നോട് അവിടെ വെയിറ്റ് ചെയ്യാൻ പറയുന്നു. അതു വരെ VIP ആയ (-)ഞാൻ വളരെ പെട്ടന്നാണ് അവരുടെ മുന്നിൽ ഒരു ചോദ്യചിഹ്നമായി മാറിയത്. കാത്തിരിപ്പ് മിനിറ്റുകളിൽനിന്ന് മണികൂറുകളിലേക്ക് നടന്നകലുമ്പോൾ ഇടയ്ക്കിടെ (-)ഞാൻ തല പൊക്കി കോട്ട്ധാരികളെ ഓർമ്മിപ്പിക്കുന്നു. അവരാണെങ്കിൽ പുതിയ കസ്റ്റമ്മറിനെ VIP യാക്കി കൊണ്ടിരിക്കാവും. അതുമല്ലെങ്കിൽ മൊബൈലിൽ തിരക്കായിരിക്കും. (-)എൻറെ ശല്യം സഹിക്കാൻ പറ്റാതാകുമ്പോൾ, പുതിയ ഒരു നമ്പരുമായി അവർ എന്നെ സമീപിച്ചു. ഏതോ ഒരു മൊബൈൽ നമ്പർ തന്ന്, അവരുടെ സർവീസ് വർക്ക്‌ ഷോപ്പിൽ കോണ്ടാക്റ്റ് ചെയ്യാൻ പറഞ്ഞ് (-)എന്നെ ഒഴിവാക്കാൻ ശ്രമിച്ചു. വേറെ നിവർത്തിയില്ലാത്തത് കൊണ്ട് (-)ഞാൻ നമ്പറിനു പുറകെ പാഞ്ഞു. അവരുമായി സംസാരിക്കുമ്പോൾ അതാ അടുത്ത നമ്പർ... അവിടെ പോകുമ്പോൾ ..പിന്നെ അടുത്ത സ്ഥലം. എന്തോ ഭൂമി ഉരുണ്ടാതായത് കൊണ്ട് (-)ഞാൻ വീണ്ടും കറങ്ങി തിരിഞ്ഞു പഴയ സ്ഥലത്ത് ചെന്നെത്തുന്നു.

ഇത്തവണ (+)നിങ്ങൾ വളരെയധികം ക്ഷോഭിച്ചാണ് അവരോടു സംസാരിച്ചത് എങ്കിൽ പണിപാളും. ഒരു ഉന്തും തള്ളുമാണ് പ്രതീക്ഷിക്കുന്നത് എങ്കിൽ അവര് നിയമം പറഞ്ഞ് പേടിപ്പിക്കും. അല്ലെങ്കിൽ പോലീസിനെ വിളിപ്പിക്കും. (+)നിങ്ങളപ്പോൾ ഈ വമ്പൻ കച്ചവടകാരന് എതിരെ കേസ് കൊടുത്തോ കായികമായി നേരിടാനോ ഉള്ള മാനസ്സിക അവസ്ഥയിലായിരിക്കില്ല ..!

ഇനി എന്ത് ചെയ്യും....? ഒന്നും ചെയ്യാനില്ല. (-)എൻറെ പ്രശനം ഏതങ്കിലും ഒരു സാദാ മെക്കാനിക്കിനെ ധരിപ്പിക്കും, അവർക്കും പരിഹരിക്കാൻ കഴിഞ്ഞെല്ലെങ്കിൽ (-)എൻറെ വിഷമം മനസ്സിലാക്കി കാറ് സ്വയം സ്റ്റാർട്ട്‌ ആകും എന്ന് കരുതി ദൈവത്തോട് പ്രാർത്ഥിക്കും . പണ്ടാരോ പറഞ്ഞത് കേട്ടിട്ടില്ലേ ... ഒരു വഴി അടയുമ്പോൾ മറ്റൊന്ന് തുറക്കുമെന്ന്.