കുങ്കുമം ചുമക്കും കഴുതയ്ക്ക്, അത് ചുമക്കുന്നതിന്‍റെ വില
അറിയില്ല എന്ന് പറഞ്ഞപോലെ ആണ് സഹോദരിയുടെ പ്രസ്താവന,
ഇതൊരു കളിയാക്കല്‍ അല്ല, സത്യം ആണ്. കേവലം ഒരു
കളിയാക്കലില്‍ തകര്‍ന്നു അടിയുന്നതാണോ സ്ത്രീത്വം ....?. സ്ത്രീ
ഇല്ലെങ്ങില്‍ പിന്നെ ലോകം ഉണ്ടോ..?

സ്ത്രീ ഇന്നു കച്ചവടവല്‍ക്കരിക്കപുടുന്നുണ്ട് എന്നത് ഒരു സത്യം
തന്നെയാണ്. മിക്ക പുത്തന്‍ നഗരങ്ങളും പടുത്തു ഉയര്‍ത്തിയത്‌
ഇതിന്‍റെ മറവില്‍ തന്നെയാണ്. സ്ത്രീയെ വിറ്റു ഉണ്ടാക്കിയ കാശ്
കണക്കു കൂട്ടി നോക്കിയാല്‍ സ്വര്‍ണ്ണം തോറ്റു പോകും . ഭൂലോകം
തന്നെ വിലക്ക് വാങ്ങാം. അതിനു മുന്നിട്ടു ഇറങ്ങുന്നതും സ്ത്രീ
തന്നെയനെന്നുള്ള പരമാര്‍ത്ഥം സഹോദരി മറക്കരുത്.

കൂടുതല്‍ കായിക മാനസ്സിക ശക്തി പുരുഷനാണ് ദൈവം
കൊടുത്തിരിക്കുന്നത്‌ . അതില്‍ സ്ത്രീകള്‍ അസൂയപ്പെടേണ്ട കാര്യം
ഒന്നും ഇല്ല. അവിടെ ഒരു തുല്യത വേണം എന്ന് വാശി പിടിക്കേണ്ട
കാര്യവും ഇല്ല. വംശം നില നിര്‍ത്താനും കുഞ്ഞുങ്ങളെ
പരിപോഷിപ്പിക്കുവാനും പുരുഷന്‍ വേട്ടയാടി കൊണ്ട് വരുന്നവ
പാകം ചെയ്യുവാനും വേണ്ടിയാണു ദൈവം സ്ത്രീയെ സൃഷ്ട്ടിച്ചത്.
അതില്‍ നിങ്ങള്‍ എന്ത് കൊണ്ട് അഭിമാനിക്കുന്നില്ല..?

ബൈബിളില്‍ പറയുന്നുണ്ട് സ്ത്രീയെ പുരുഷന്‍റെ വാരിയെല്ലില്‍
നിന്നാണ് ഉണ്ടാക്കിയിരിക്കുന്നതെന്ന്. അല്ലാതെ സ്ത്രീയില്‍ നിന്നല്ല
പുരുഷന്‍ ഉണ്ടായതു. കാലം മാറിയപ്പോള്‍, സ്ത്രീകള്‍കും പുരുഷമാരെ
പോലെ ജോലിയും വിദ്യാഭ്യാസവും പദവികളും കിട്ടി.
പുര്‍ഷന്മാര്‍ക്ക് അതില്‍ യാതൊരു എതിര്‍പ്പും ഇല്ല. ഒരു പരിതി വരെ
പുരുഷനും അതിനു സഹായിക്കുന്നുണ്ട്. സ്ത്രീകള്‍ സമൂഹത്തില്‍
ഉയര്‍ന്നു വരുവാന്‍ തന്നെയാണ് പുരുഷമാരും ആഗ്രഹിക്കുന്നത്. എന്ന്
കരുതി പുരുഷന്മാരുടെ മുകളില്‍ കുതിര കയറാന്‍ വരുന്ന സ്ത്രീകളെ
അനുവദിച്ചു കൂടാ. ആണത്വം ഇല്ലാത്തവന്‍ ആത്മഹത്യ ചെയ്യുന്നതിന്
തുല്യമാണ്. അങ്ങിനെ ഉള്ള പുരുഷന്മാരെ ആണോ സഹോദരിക്ക്
വേണ്ടത് ...? നിങ്ങള്‍ക്ക് കിട്ടുന്ന പരിഗണന ദുരുപയോഗം ചെയ്യാതെ
സൂക്ഷിക്കൂ. ഇവിടെ തുല്യതക്കു അല്ല പ്രാധാന്യം, മറിച്ചു
സഹകരണത്തിന് ആണ് പ്രസക്തി. ഭര്‍ത്താവും ഭാര്യയും തമ്മിലുള്ള
സഹകരണത്തിന്. നിങ്ങളുടെ പുരുഷനെ സ്നേഹിക്കൂ. സേവിക്കൂ,
മത്സര ബുദ്ധി ഉപേക്ഷിക്കു. സ്ത്രീ എന്നും സ്ത്രീ തന്നെ. അതാണ്
സത്യം.

ഒരു പക്ഷെ നിങ്ങളുടെ ഭര്‍ത്താവു അല്ലെങ്കില്‍ നിങ്ങള്‍
ഇഷ്ടപ്പെടുന്നവന്‍ ഒരു കഴുത ആയി നിങ്ങക്ക് തോന്നാം. ശരി തന്നെ.
നിങ്ങള്‍ വിവേകം ഉള്ളവള്‍ ആണെങ്ങില്‍ കഴുതയെ സിംഹം ആക്കി
മാറ്റേണ്ട ചുമതല നിങ്ങളുടെതാണ്. ഇഷ്ടപെടുന്നവനെ അംഗികരിക്കാന്‍
കഴിഞ്ഞില്ലെങ്ങില്‍ പിന്നെ നിങ്ങള്‍ക്കെങ്ങിനെ ലോകത്തിലെ കഷ്ടത
അനുഭവിക്കുന്ന സ്ത്രീകള്‍ക്ക് വേണ്ടി സംസാരിക്കാന്‍ കഴിയും....?

ഒരു കാര്യം കൂടി. രാത്രി കറങ്ങി നടക്കുന്നത് കൊണ്ട് ഒരു കുഴപ്പവും
ഇല്ല. പക്ഷെ ഉത്തരവാദ്യ പെട്ടവരോട് കൂടി, സുരക്ഷിത സ്ഥലത്ത്
ആകണം എന്ന് മാത്രം. പെണ്‍ബുദ്ധി ഒരിക്കലും പിന്‍ബുദ്ധി
ആയിരുന്നില്ല. ഒരു മുന്‍വിധി മാത്രം ആയിരുന്നു. അത് തിരുത്തുക
എന്നതാണ് നിങ്ങളുടെ ദൌത്യം. ഞാന്‍ ഒരിക്കലും സ്ത്രീകള്‍ക്ക് എതിരല്ല. എല്ലാ ഭാവുകങ്ങളും നേരുന്നു.

31-12-2012 രാത്രി സമയം 12 മണി. ഭൂമിയില്‍ ന്യൂ ഇയര്‍ പാര്‍ട്ടി അരങ്ങു തകര്‍ക്കുന്നു. ടിവിയില്‍ കൌണ്ട് ഡൌണ്‍ ആരംഭിച്ചു. കേരളത്തില്‍ പതിവ് പോലെ റിമി ടോമിയുടെ ഗാനമേളയും രഞ്ജിനിയുടെ കൂടിയാട്ടവും പൊടി പൊടിക്കുന്നു. ഡല്‍ഹിയിലെയും ബോംബെയിലെയും രീതികള്‍ വ്യതസ്തമാണ്. അവിടെ ടിവിയില്‍ അല്ല, ഹോട്ടലുകളിലും ബാറുകളിലും ആണ് തകര്‍ക്കുന്നത്. ചൈനക്കാരുടെ വെടികള്‍ പൊട്ടുന്ന ശബ്ദം. നഗരങ്ങളില്‍ കന്യകകളുടെ ചര്‍മ്മങ്ങള്‍ പൊട്ടുന്ന ശബ്ദം. പൈസ എറിയുന്നവരുടെ ഗ്യാസ് പോകുന്ന ശബ്ദം. അതിനിടയില്‍, ശൂന്യാകാശത്തില്‍ നിന്നും വലിയൊരു പാറ കഷ്ണം ഭൂമിയില്‍ വന്നു പതിക്കുന്നു. ഠ ൊോൊോooo ..........ലോകം അവസാനിക്കുന്നു.

ഈ വരുന്ന ന്യൂ ഇയര്‍ രാത്രിയില്‍, ഗോവയിലും ദല്‍ഹിയിലും ബോംബയിലും മറ്റു പ്രധാന നഗരങ്ങളിലും, എത്ര പെണ്ണുങ്ങളുടെ ചാരിത്ര്യം നഷ്ടപെടും എന്നതിന് ഒരു കണക്കും ഉണ്ടാകില്ല. ഇവിടെ പോയാല്‍ മദ്യപിച്ചു അഴിഞ്ഞാടുന്ന ആയിരകണക്കിന് പെണ്‍കുട്ടികളെയും അവരുടെ കാമുകന്മാരെയും കാണാം. എല്ലാവരും വിദ്യാഭ്യാസ മുള്ളവരും സമ്പന്നരും നല്ല വീടുകളില്‍ ജനിച്ചവരും സമൂഹത്തിലെ ഉയര്‍ന്ന പദവിയില്‍ ഇരിക്കുന്നവരുടെ മക്കള്‍ . ന്യൂ ഇയര്‍ പാര്‍ട്ടി ആഘോഷിക്കാന്‍ പോകുന്ന യുവതികള്‍ ഇതു അറിഞ്ഞു കൊണ്ട് തന്നെയല്ലേ ഇറങ്ങി പുറപ്പെടുന്നത്. സ്ത്രീ സംരക്ഷകര്‍ ആരെങ്ങിലും അവരെ തടയാന്‍ പോകുമോ..? വീട്ടില്‍ അടങ്ങിയിരിക്കാന്‍ പറയാന്‍ അവരുടെ മാതാപിത്ക്കള്‍ക്കും സഹോദരന്മാര്‍ക്കും എന്തു കൊണ്ട് കഴിയുന്നില്ല.? തിരക്കിനിടയില്‍ യഥാര്‍ത്ഥ കാമുകന്മാര്‍ തന്നെ ദോശ ചുടും എന്നതിന് എന്താണ് ഉറപ്പ്..? പുതിയ വര്‍ഷത്തിലേക്ക് പ്രവശിക്കുന്ന ഒരു മിനിറ്റു ബോംബയിലെ ഇന്ത്യ ഗേറ്റിലും മറ്റും ലൈറ്റുകള്‍ കെടുത്തുന്ന ഒരു പരിപാടി ഉണ്ട്. അവസാനം അവിഹിത ഗര്‍ഭം പെറുമ്പോള്‍ . ഇന്ത്യ മഹാരാജ്യത്തെ മുഴുവന്‍ പുരുഷന്മാരും കാമവെറിയന്‍ മാരായി ചിത്രീകരിക്കപ്പെടും. അപകടം നടക്കുവാന്‍ പോകുന്നത് മുന്‍കൂട്ടി അറിഞ്ഞിട്ടും അത് തടയാത്തതല്ലേ ഏറ്റവും വലിയ തെറ്റ്...? രാജ്യത്തിലെ ഈ നാണക്കേട്‌ നടക്കാന്‍ ഇനി ദിവസങ്ങള്‍ മാത്രം.

..... COUNT DOWN TO 31-12-12 : 12 PM

ഡല്‍ഹിയില്‍ ഇത്ര വലിയ പ്രക്ഷോഭം നടത്തിയവരെല്ലാം ഇനി തലയില്‍ മുണ്ട് ഇട്ടു നടക്കുന്നതാണ് നല്ലത്.

ഗോപുലാലിന്റെ ചായക്കടയിലെ ചൂട് ചായയും പരിപ്പ് വടയും നാട്ടില്‍ വളരെ പ്രസിദ്ധമാണ്. അത് വഴി വരുന്നവരെല്ലാം അവിടെ കയറി ചായയും പരിപ്പ് വടയും കഴിക്കാതെ പോകില്ല. കുറച്ചു കാലമായി ഗോപുലാലിനെ അലട്ടുന്ന ഒരു പ്രശ്നമുണ്ടായിരുന്നു. വില്ലനായി വന്നത് പഞ്ചസാര ഭരണിയില്‍ കയറി കൂടുന്ന കറുത്ത ഉറുമ്ബുകളാണ് . ചായ കുടിക്കാന്‍ വരുന്നവര്‍ പരാതി പറയുവാന്‍ തുടങ്ങി. ചായയില്‍ വീണു കിടക്കുന്ന കറുമ്പന്‍ ഉറുമ്പുകള്‍ ഗോപുലാലിനു തലവേദനയായി. പണി പതിനെട്ടു പയറ്റിയിട്ടും ഉറുമ്പുകളെ വക വരുത്തുവാന്‍ കഴിഞ്ഞില്ല. സഹി കെട്ടു ചില്ല് ഭരണി തല്ലി പൊട്ടിച്ചു. പകരം പ്ലാസ്റ്റിക്‌ പാത്രം വാങ്ങി വെച്ചു നോക്കി .വെള്ളം നിറച്ച പരന്ന പാത്രത്തില്‍ ഭരണി വെച്ച് നോക്കി. ഉറുമ്പ് പൊടി വിതറി നോക്കി. ഒരു രക്ഷയുമില്ല എന്ന് മാത്രമല്ല ഉറുമ്പ്കള്‍ക്കു വാശിയും കൂടി. ഏതെങ്കിലും പഴുതു കണ്ടു പിടിച്ചു ഉറുമ്പുകള്‍ ഭരണിയില്‍ കയറിപറ്റും. ഗോപുലാലിന്റെ ചായയിലെ ഉറുമ്പുകള്‍ നാട്ടില്‍ സംസാര വിഷയമായി. ഉറുമ്പുകളെ വിഡ്ഢികള്‍ ആക്കാന്‍ പാല്‍ കച്ചവടക്കാരന്‍ മോട്ടുലാല്‍ ഒരു സൂത്രം ഉപദേശിച്ചു. പഞ്ചസാര ഭരണിയില്‍ മുളകുപൊടി എന്ന് എഴുതി വെക്കുക. ഉറുമ്പുകള്‍ എല്ലാം തെറ്റിദ്ധരിച്ചു വഴി മാറി പോകും. ഉഗ്രന്‍ ഐഡിയ. എത്രയും പെട്ടന്ന് ഗോപുലാല്‍ കറുത്ത മഷി കൊണ്ട് വലിയ അക്ഷരത്തില്‍ മുളക് പൊടി എഴുതി വെച്ചു. മുളക് പൊടിക്ക് പഞ്ചസാരയെന്നും പേര് മാറ്റി. സംഗതി ഫലിച്ചു. പിറ്റേ ദിവസം മുതല്‍ ചായയില്‍ ഉറുമ്പ് വീണില്ല. പക്ഷെ, ഗോപുലാലിന്റെ ചായക്ക് എരിവും, പരിപ്പ് വടക്ക് മധുരവും കൂടിയെന്ന് നാട്ടുകാര്‍ .

പണ്ട് സ്കൂളില്‍ പഠിക്കുന്ന കാലത്ത് ശാസ്ത്രസാഹിത്യ മേളകളില്‍ കാണുന്ന ഒരു സ്ഥിരം പരിപാടിയുണ്ട്. ചാണകത്തില്‍ നിന്നും വൈദ്യുതി .ഒരു വലിയ പാത്രത്തില്‍ നാറുന്ന പശുവിന്‍ ചാണകം നിറച്ചു വെച്ചിരിക്കുന്നു. അതില്‍ മുങ്ങി കിടക്കുന്ന രണ്ടു വയറുകളുടെ അറ്റം ഒരു ബള്‍ബില്‍ ഘടിപ്പിച്ചിരിക്കുന്നു. സ്വിച്ച് ഓണ്‍ ചെയ്താല്‍ ബള്‍ബ് കത്തുന്നു. ആര് കണ്ടാലും അതിശയിക്കും. വൈദ്യുതിയുമായി യാതൊരു പുലബന്ധം പോലുമില്ലാത്ത തരികിട പരിപാടികളുമായി പത്രങ്ങളിലും മറ്റും ജനശ്രദ്ധ പിടിച്ചു പറ്റിയ കോണ്‍വെന്റിലെ കുട്ടികള്‍ ചെയ്തു വെച്ചിരിക്കുന്ന സൂത്രം എന്താണെന്ന് അറിയേണ്ടേ ..? ചാണകത്തില്‍ മുങ്ങി കിടക്കുന്ന വയറുകള്‍ പൊക്കി നോക്കിയപ്പോള്‍ കണ്ടത്, വയറുമായി ഘടിപ്പിച്ചു വെച്ചിരിക്കുന്ന എവറടി ബാറ്റെറികളാണ്. ഇതു പോലാണ് ഇന്നു രാഷ്ട്രീയക്കാര്‍ പറയുന്ന പല പ്രഖ്യാപനങ്ങളും. ആരാന്‍റെ കയ്യിലിരിക്കുന്ന പെട്രോളും, പച്ചവെള്ളം പെട്രോള്‍ ആക്കുന്ന മന്ത്രിമാരും. കഥയറിയാതെ ആട്ടം കാണുന്ന ജനങ്ങളും. അവസാനം കഴുതകള്‍ ആകുന്നതു പാവം ജനങ്ങള്‍ തന്നെ.

ഇലക്ഷന്‍ മുന്നില്‍ കണ്ടു കൊണ്ടുള്ള പ്രഖ്യാപനങ്ങള്‍ സത്യസന്തമാനെങ്ങിലും ഇല്ലെങ്കിലും, സിലിണ്ടെര്‍ വര്‍ഷത്തില്‍ ഒന്നായാലും പത്തെണ്ണം ആയാലും, പെട്രോളിയം ഉത്പന്നങ്ങള്‍ ഇന്ത്യയില്‍ വരവ് നിലച്ചാല്‍, പിന്നെ എന്ത് ചെയ്യും ...?

ഏതു രാഷ്ട്രീയ പാര്‍ട്ടി ഭരിച്ചാലും എണ്ണ ഉത്പാദകരായ ഗള്‍ഫ്‌ രാജ്യങ്ങള്‍ തിരുമാനിക്കുന്നത് പോലെയാണ് ഭാവിയില്‍ പെട്രോളിയം ഉത്പന്നങ്ങള്‍ വിപണനം നടക്കുക. മറ്റൊരാളുടെ കയ്യിലിരിക്കുന്ന പെട്രോളിനെ കുറിച്ച് നമ്മള്‍ തമ്മിലടിച്ചിട്ടു എന്ത് കാര്യം, ഉപയോഗം പരാമാവധി കുറയ്ക്കുക. അത്ര തന്നെ. ഇന്ത്യയിലെ എണ്ണ കമ്പനികളുടെ കള്ള കണക്കുകളും, മറ്റു രാജ്യങ്ങളിലെ ഇന്ത്യയെക്കാള്‍ വില കുറഞ്ഞ പെട്രോളിന്‍റെ കണക്കുകളും നമ്മള്‍ കുറെ കണ്ടതാണ്. ഭരിക്കുന്നവര്‍ മാറിയാല്‍ ഈ കണക്കുകള്‍ എല്ലാം മാറി മറിയുമോ ...?

"എന്തുകൊണ്ട് വാഹനമേഖലയില്‍ ഇത്തരമൊരു നിയന്ത്രണം ഏര്‍പ്പെടുത്താന്‍ സര്‍ക്കാര്‍ മടിക്കുന്നു?"

പെട്രോളിനും ഡീസലിനും എത്ര വില കൂടിയാലും ഇവിടെ വാങ്ങാന്‍ ആള്‍ക്കാര്‍ ഉണ്ടെങ്കില്‍ എന്തിനു നിയന്ത്രിക്കണം..? ഡീസലിന് കൂടുതല്‍ സബ്സിഡി നല്‍കി വിലക്കയറ്റം നിയന്ത്രിച്ചപ്പോള്‍, അതിനെ മറികടന്നു ഡീസല്‍ കാറുകളുടെ പെരുപ്പം, ഡീസലിന്റെ സബ്സിഡിയും കുറക്കാന്‍ കാരണമായി. പബ്ലിക് ട്രാന്‍സ്പോര്ട്ടിനെ പ്രോത്സാഹിപിച്ചു, പെട്രോളിയത്തിന്റെ മൂല്യം മനസ്സിലാക്കാന്‍ നമുക്ക് കഴിയണം. കുട്ടികള്‍ക്ക് വരെ മാര്‍കെറ്റില്‍ പുതുതായി ഇറങ്ങുന്ന കാറുകളുടെ ഫുള്‍ ഫീച്ചര്‍ കാണപാഠമാണ്. അരി ഉത്പാദിപ്പിക്കുന്നത് എങ്ങിനെയെന്ന് അറിഞ്ഞില്ലെങ്ങിലും .

"എണ്ണ സമൃദ്ധമായ വെനിസ്വേലയിലും സൗദി അറേബ്യയിലും ഗ്യാലന്‍ കണക്കിന് ഇന്ധനം തുച്ഛവിലയ്ക്കാണ് നല്‍കിവരുന്നത്".

നമ്മുടെ നാട്ടില്‍ ലഭിക്കുന്ന തേങ്ങയുടെ വില നമുക്ക് അറിയാവുന്നതല്ലേ...!

"ആഗോളതാപനം സംബന്ധിച്ച ക്യോട്ടോ പ്രോട്ടോക്കോളും ഇന്ധന വില കൂട്ടാന്‍ സര്‍ക്കാരുകളെ നിര്‍ബന്ധിക്കുന്നുണ്ടെന്ന കാര്യം പലര്‍ക്കും അജ്ഞാതമാണ്".

ഇന്ധന വില കൂട്ടാന്‍ സര്‍ക്കാരുകളെ നിര്‍ബന്ധിക്കുന്നത്തിലുപരി, ഉപയോഗം കുറച്ചു അന്തരീക്ഷത്തിലെ കാര്‍ബണ്‍ അളവ് കൂടാതെ നിലനിര്‍ത്തേണ്ടത് എല്ലാവരുടെയും ആവശ്യമാണ് .

"ജനാധിപത്യ വ്യവസ്ഥിതിയില്‍ വോട്ടര്‍മാര്‍ അവരുടെ നീരസം തിരഞ്ഞെടുപ്പില്‍ പ്രകടിപ്പിക്കുമെന്നതിനാല്‍ ഭരണമാറ്റത്തിനുവരെ അത് വഴിതെളിയിച്ചേക്കാം."

അടുത്ത് വരുന്ന മന്ത്രിസഭയും ഇതൊക്കെ നേരിടേണ്ടി വരില്ലേ..? അതോ പച്ചിലയില്‍ നിന്നും പെട്രോള്‍ കണ്ടുപിടിച്ച തമിഴ് നാട്ടുകാരന്‍ രാമറിനെ കൂട്ട് പിടിച്ചു, അത്ഭുധങ്ങള്‍ സൃഷ്ടിക്കുമോ..?

പ്രകൃതിയില്‍ നിന്നും ലഭിക്കുന്ന സൌരോര്‍ജ്ജം ഉപയോഗിച്ചുള്ള സ്ത്രോതസുകളുടെ ആവിര്‍ഭാവവും, എനര്‍ജി കുറച്ചു മാത്രം ആവശ്യമായി വരുന്ന LED ബള്‍ബുകളുടെ ഉപയോഗവും വരും തലമുറകളെ കൂടുതല്‍ ചിന്തിപ്പിക്കാനും ദൌര്‍ലഭ്യം നേരിടുന്ന പെട്രോളിയം ഉപയോഗം കുറയ്ക്കാനും, മലിനമാക്കപെടുന്ന പ്രകൃതിയിലെ കാര്‍ബണിന്റെ അളവ് കുറക്കുന്നതിനും ഇടയാകട്ടെ.

കുട്ടികള്‍ക്ക് കളിക്കാന്‍, മനുഷ്യരെ വെടി വെച്ചു കൊല്ലുന്ന വീഡിയോ ഗെയിമുകള്‍, അത് പരീക്ഷിക്കാന്‍ ഒറിജിനല്‍ ലൈസന്‍സ് ഉള്ള റൈഫിളുകള്‍ , ഇത്രയും സൌകര്യങ്ങള്‍ ചെയ്തു കൊടുക്കാമെങ്കില്‍ കുട്ടികള്‍ക്ക് പിന്നെന്തു വേണം, അത് ചോദ്യം ചെയ്താല്‍ ജയിലില്‍ ആറ് മാസം ശിക്ഷ. കുട്ടികളെ ചോദ്യം ചെയ്തതിനെ നോര്‍വേയില്‍ മാതാപിതാക്കളെ ശിക്ഷിച്ചത് ഈ അടുത്താണ്.

ശത്രുക്കളെ വക വരുത്താന്‍ കുട്ടികളില്‍ ചെറുപ്പത്തിലെ കുത്തി വയ്കുന്ന മാരക വിഷവുമായ ഇത്തരം ഗെയിമുകള്‍ ഇന്നു ലോകത്തില്‍ എല്ലായിടത്തും പ്രചാരത്തിലാണ്. അമേരിക്കയില്‍ തന്നെ പല ഗൈമുകളും വയലനസിന്റെ അതിപ്രസരം കാരണം ബാന്‍ ചെയ്തിട്ടുണ്ട്. അവയുടെ ലിസ്റ്റ് വിവരങ്ങള്‍ വിക്കിപീഡിയ കാണിക്കുന്നുണ്ട് http://en.wikipedia.org/wiki/List_of_banned_video_games . പ്രശസ്ത ഷൂട്ടിംഗ് ഗയ്മുകള്‍ ആയ മക്സ് പയ്നെ, കാള്‍ ഓഫ് ഡ്യൂട്ടി , ഹാലോ 2 തുടങ്ങിയ കുട്ടികളുടെ ഇടയില്‍ വന്‍ പ്രചാരമാണ് നേടിയത് . പലതിനും റേറ്റിംഗ് നല്കിയിട്ടുന്ടെങ്ങിലും കുട്ടികളുടെ നിര്‍ബന്ധ ബുദ്ധിക്ക് മുന്നില്‍ മാതാപിതാക്കള്‍ വഴങ്ങി കൊടുക്കുകയാണ് പതിവ്. കുട്ടികളുടെ അഭിരുചിക്ക് അനുസരിച്ച് ഗ്രാഫിക്സും വയലന്‍സും ഹൈ ടെക്നോളജിയും കൂട്ടി കുഴച്ചു, ഇത്തരം ഗെയിമുകളുടെ നിര്‍മ്മാതാക്കള്‍ തമ്മില്‍ മാര്‍ക്കറ്റില്‍ വന്‍ മത്സരമാണ് നടക്കുന്നത്.

കുട്ടികളെ മനശാസ്ത്രപരമായി വളര്‍ത്തുന്ന വിദ്യാഭ്യാസ രീതികള്‍ അവലംബിച്ച് കൂടുതല്‍ പരീക്ഷണങ്ങള്‍ നടത്തുമ്പോള്‍ അതിനു അപ്പുറത്തുള്ള ഭവിഷത്തുകളും മുന്‍കൂട്ടി കാണേണ്ടതാണ്. ഗള്‍ഫിലും മറ്റു വിദേശ രാജ്യങ്ങളിലും താമസിക്കുന്ന ഇന്ത്യക്കാര്‍ തങ്ങളുടെ കുട്ടികള്‍ , അമേരിക്കന്‍ ബ്രിട്ടിഷ് കരിക്കുലങ്ങളിലാണെന്നും, അവരുടെ ഗുണങ്ങളെ പൊക്കി പറയുന്നതും, ഇന്ത്യന്‍ വിദ്യഭ്യാസത്തെ പുഛിച്ച് തള്ളുന്നതും, അവരുടെ വിദ്യാഭ്യസക്കുറവു തന്നെയാണ് വിളിച്ചു പറയിക്കുന്നത് . "സായപ്പിനെ കാണുമ്പോള്‍ കവാത്ത് മറക്കണം" എന്ന ആപ്തവാക്യം തങ്ങള്‍ ഒരിക്കലും മറുത്തു പറയില്ല എന്നു ഉറച്ചു വിശ്വസിക്കുന്നവരെ തിരുത്താന്‍ ബുദ്ധിമുട്ടാണ്.ഇവരെല്ലാം പഠിച്ചു ഉന്നത നിലകളില്‍ എത്തിയത് പഴയ ഓടിട്ട സ്കൂളുകളില്‍ പഠിച്ചതുകൊണ്ടും, കണക്കു മാഷിന്‍റെ വടിയുടെ ചൂട് അറിഞ്ഞത് കൊണ്ടും തന്നെയാണെന്ന് മറക്കരുത്.

വാര്‍ത്തകള്‍ നിസ്സാരവല്‍ക്കരിക്കുന്നതായിരിക്കാം, ഇത്തരം വെടിവെപ്പുകള്‍ തുടര്‍ സംഭവമായി നിലനില്‍ക്കുന്നത്. പലതും പുറത്തു വരുന്നില്ല എന്നതാണ് സത്യം. അവസാനം ഒബാമയും അത് മനസ്സിലാക്കി. സാമ്പത്തികമായി മുന്നില്‍ നില്‍ക്കുന്ന പല രാജ്യങ്ങളും, സുരക്ഷയുടെയും സെക്ക്യുരിട്ടിയുടെയും കാര്യത്തില്‍ തങ്ങള്‍ ഒന്നാമതാണെന്ന് വരുത്തി തീര്‍ക്കാന്‍ പല സത്യങ്ങളും മൂടി വെക്കുകയാണ്‌ പതിവ്. സത്യം മനസ്സിലാക്കാന്‍ അമേരിക്കന്‍ ഭരണാധികാരികള്‍ക്ക് ഇപ്പോഴെങ്ങിലും കഴിഞ്ഞതില്‍ ആശ്വസിക്കാം, നാടന്‍ സായിപ്പുമാര്‍ അത് സമ്മതിച്ചില്ലെങ്കിലും.

മലയാള സിനിമയില്‍ വിവാഹ മോചനങ്ങള്‍ പെരുകുന്നു . ദിനം പ്രതി പുതിയ വാര്‍ത്തകള്‍ സൃഷ്ടിക്കുന്നു . പത്രക്കാര്‍ക്ക് ചാകര . വായിക്കുന്നവര്‍ക്ക് പരമാനന്ദം ..എന്തൊരു സുഖം..! ഇതൊരു സുഖമാണോ ? അതോ അസുഖമാണോ..?. ഇനി വാര്‍ത്ത‍ മാധ്യമങ്ങളുടെ കാര്യമോ..? ആദ്യം ഗോസിപ്പുകള്‍ നാട് മുഴുവന്‍ കൊട്ടി ഘോഷിക്കുക. പിന്നെ അത് ചികയുന്നവരെ വിമര്‍ശിക്കുക , അതാണോ പത്രപ്രവര്‍ത്തനം..?നടിയുടെ പ്രസവം ക്യാമറ കണ്ണുകള്‍ ഒപ്പിയെടുത്തപ്പോഴും ഇതു തന്നെയാണ് സംഭവിച്ചത് .വാര്‍ത്തകളുടെ ABCD ഗണിക്കാന്‍ അറിയാത്ത മണ്ടന്‍ ഞാന്‍ കണ്ടുപിടിച്ച സത്യം ഇതൊന്നും അല്ല.

തലയില്‍ മുടി കിളിര്‍ക്കും എന്ന് പറഞ്ഞു, ഇവള്‍മാരൊക്കെ പരസ്യം ചെയ്ത തൈലവും എണ്ണയും വാങ്ങി തേച്ച്‌, എന്‍റെ പൈസ പോയതു മിച്ചം. സിനിമയില്‍ പതിവ്രതയും, ശീലവതിയും, നല്ല പിള്ളയും, ചമയുമ്പോ ജനങ്ങള്‍ ഒരുപാടു സ്നേഹിച്ചു അങ്ങ് പൊക്കി വിടും, പ്രശസ്തിയകുമ്പോ, പരസ്യങ്ങളിലൂടെ വന്നു ജനങ്ങളെ കബളിപ്പിക്കും. ഇവര്‍ പറഞ്ഞ മട്ടന്‍ മസാലയും, സാമ്പാര്‍ പൊടിയിലെയും, മസാലയിലെയും "ഗുട്ടന്‍സ്" പുറത്തു വരുമ്പോഴാണ്, ആശുപത്രിയില്‍ കൊടുത്ത പൈസയുടെ കണക്കുകള്‍ ഓര്‍മ വരുക. കസ്തൂരി മഞ്ഞളിന്റെ കാന്തിയും, ചന്ദനത്തിന്റെ സുഗന്തവും ഫലിക്കാതെ വരുമ്പോള്‍ ആര്‍ക്കാണ് ഇഷ്ടപെടുക. ചുരുങ്ങിയ കാലങ്ങള്‍ കൊണ്ട് കേരളത്തില്‍ മിന്നിമറഞ്ഞു പോയ "ഗുല്ഗുലാധി" മരുന്നുകളും, "താന്തോന്നി" തൈലങ്ങളും, "കാര്‍കൂന്തല്‍ " വര്‍ദ്ധിനികളും, "കുതിരശക്തി" ഉത്തേജനങ്ങളും, നിരപരാധികളില്‍ അടിച്ചേല്‍പ്പിക്കാന്‍ ഇവര്‍ കൂട്ട് നില്‍ക്കുക വഴി, കോടി കണക്കിന് രൂപയാണ് കേരളത്തിലെ മുറി വൈദ്യന്മാര്‍ തട്ടിയെടുത്തത്. തുണിക്കടയിലും ആഭരണ കടകളിലും കൊടുത്ത ബില്‍ സൂക്ഷിച്ചു വെച്ചിട്ടുണ്ടെങ്ങില്‍ അതില്‍ കാണാം, ഇവര്‍ ചിരിച്ചുകൊണ്ട് പറയുന്നത് "വിശ്വാസം അതല്ലേ എല്ലാം". അതുമല്ലെങ്ങില്‍ " തകര്‍ക്കാന്‍ പറ്റാത്ത വിശ്വാസം" എന്നൊക്കെ. ആ വിശ്വാസം തകരുമ്പോള്‍ മലയാളികള്‍ എങ്ങിനെ ചര്‍ച്ച ചെയ്യാതെ ഇരിക്കും..? എല്ലാവരും കൂടി പൊക്കി വിട്ട ബലൂണ്‍ ഒരു നാള്‍ പൊട്ടുമ്പോ മൂക്കത്ത് വിരല്‍ വെക്കും...!

അടിക്കുറിപ്പ് : ഇതൊന്നും അത്ര ശരിയല്ല എന്ന് അഭിപ്രയപ്പെടുന്നവരോട് ഒരു ചോദ്യം ..? ..കിട്ടാത്ത മുന്തിരി പുളിക്കുമോ ...?

മാസത്തില്‍ മിനിമം ഒരു ലോകാവസാനം എങ്കിലും വേണം എന്ന് കച്ചവടക്കാര്‍
ഞങ്ങള്‍ വിചാരിച്ചാലെ ലോകം അവസാനിക്കൂ എന്ന് വാര്‍ത്താ മാധ്യമങ്ങള്‍
ലോകം അവസാനിച്ചാലും രാജി വെക്കില്ലെന്നു മന്ത്രിമാര്‍
ഞങ്ങള്‍ക്ക് നശിപ്പിക്കാനും കുറച്ചു ലോകം ബാക്കി വെക്കണമെന്ന് പ്രതിപക്ഷം
എല്ലാം ഞങ്ങള്‍ മുകളില്‍ പറഞ്ഞു ശരിയാക്കാമെന്ന് രാഷ്ട്രീയക്കാര്‍.
പ്രേമിച്ചു പ്രേമിച്ചു ലോകം അവസാനിപ്പിക്കുമെന്ന് കമിതാക്കള്‍..
പരീക്ഷക്ക്‌ മുന്‍പ്‌ ലോകം അവസാനിച്ചാല്‍ മതിയെന്ന് സ്കൂള്‍ കുട്ടികള്‍
എല്ലാ ദിവസവും ലോകം അവസാനിക്കുന്നെണ്ട് കുടിയന്മാര്‍

എന്റെ സുന്ദരമായ വീമാനയാത്ര സ്വപ്നം : ഏറ്റവും കുറഞ്ഞ ടിക്കറ്റ്‌ നിരക്ക് (ഫ്രീ ആയാല്‍ അത്രയും നല്ലത്), വയറു നിറയെ ഭക്ഷണം (എയര്‍ അറേബ്യയില്‍ കാശു കൊടുത്തു കഴിക്കുന്നതാ ഞങ്ങള്‍ക്കിഷ്ടം), സുന്ദരിമാരായ എയര്‍ ഹോസ്റ്റെസ്സുകള്‍ (എമിരേറ്റ്സ് ല് അങ്ങിനെ അല്ലെ..?), കൂവി വിളിക്കാനുള്ള സ്വാതന്ദ്ര്യം (ഗള്‍ഫില്‍ നിന്ന് ഫ്ലൈറ്റ് പൊങ്ങിയാല്‍ പിന്നെ നമ്മുടെ നാടിന്‍റെ പ്രതീതി കിട്ടാന്‍ ), കുടിച്ചു കൂത്താടന്‍ നാടന്‍ കള്ള് (കള്ളില്ലാതെ പിന്നെ എന്ത് ആഘോഷം..?), ഞങ്ങള്‍ പറയുന്നത് മാത്രം കേള്‍ക്കാന്‍ ഒരു പൈലറ്റ് (കാലാവസ്ഥ മോശമാണ്‌ എങ്കിലും അതി സാഹസികമായി ലാണ്ട് ചെയ്യുന്നതിന്റെ ഒരു സുഖം വേറെയാണ്.) ഫ്ലൈറ്റ് വൈകിയാല്‍ ബുര്‍ജ് ഖലീഫയില്‍ താമസം. (അതാ ഞങ്ങടെ മിനിമം സ്റ്റാന്‍ഡേര്‍ഡ് )

യാത്രക്കാരന്‍ : " വഷളന് ...! എന്തൊക്കെയാ ഇവിടെ എഴുതി വെച്ചിരിക്കുന്നത്... ഞങ്ങള്‍ക്കിതൊന്നും വേണ്ട.... എങ്ങിനെയെങ്ങിലും ഒന്ന് വീട്ടില്‍ എത്തി കിട്ടിയാല്‍ മതി.

മഹാരാജാവ് : "എങ്കില്‍ സകല ദൈവങ്ങളെയും വിളിച്ചു, കണ്ണും അടച്ചു ഫ്ലൈറ്റ് ല്‍ കയറിക്കോ. എത്തിയാല്‍ എത്തി. ഞങ്ങളെ കൊണ്ട് ഇതൊക്കെയെ കഴിയൂ. പരാതി ഉണ്ടെകില്‍ എഴുതി പെട്ടിയില്‍ ഇട്ടോളൂ...! (അങ്ങിനെ ഒരു പെട്ടിയുള്ളത് കൊണ്ട് തല്ക്കാലം രക്ഷപെട്ടു)......... ശുഭയാത്ര"

(മഹാരാജ : ഞാന്‍ തല താഴ്ത്തി നില്‍ക്കുന്നതെ ..വിനീത ഭാവം കൊണ്ടല്ല...നാണക്കേടും ഗതികേടും കൊണ്ടാ......!)

"പരിസ്ഥിതി നശിപ്പിക്കുന്നത് പാപമാണെന്നു പറഞ്ഞിട്ട് ഒരു വര്‍ഷം കഴിയുമ്പോള്‍ അവസരോചിതമായി പരിസ്ഥിതിയല്ല മനുഷ്യനാണ് പ്രധാനം എന്നു മാറ്റിപ്പറഞ്ഞാല്‍ വിശ്വാസികള്‍ എന്തു ചെയ്യും ?" .

... ഡാ വിജയാ നമുക്കെന്താ ഈ ബുദ്ധി നേരത്തെ തോന്നാത്തത് ?.....ഫ്ലാറ്റുകളില്‍, റസിഡന്റ്‌സ് കോളനികളില്‍, നഗരങ്ങളിലും ഗ്രാമങ്ങളിലുമൊക്കെ കുറേയേറെ ആളുകള്‍ക്ക് വേണ്ടി ഒരുമിച്ച് ഭക്ഷണമുണ്ടാക്കി പണവും ഊര്‍ജ്ജവും അദ്ധ്വാനവും സമയവും ലാഭിക്കാനുള്ള ഒരു സൂത്രം ഉണ്ട്, സമൂഹ പാചകം . " ഉവ്വ് ഉവ്വ് , ഇതു നല്ല നടക്കാത്ത സ്വപ്നം ...!" ഒരു കാര്യം മാത്രം മനസ്സിലാകുന്നില്ല. ഇവിടെ ആരൊക്കെയാണ് ഭക്ഷണം പാകം ചെയ്യുന്നത്..? ആരൊക്കെയാണ് ഭക്ഷണം കഴിക്കാന്‍ കൈ കഴുകി ഇരിക്കുന്നത്..? പുതിയ തലമുറയിലെ പെണ്‍കുട്ടികള്‍ക്ക് നല്ലൊരു കാപ്പിയിടാന്‍ പോലും അറിയില്ല എന്നിരിക്കെ,

(അറിയുമെങ്ങില്‍ കൂണ് മുളച്ചു പൊങ്ങുന്ന പോലെ ഫാസ്റ്റ് ഫുഡ്‌ സംസ്കാരം ഉണ്ടാകുമായിരുന്നില്ല ) വായക്കു രുചിയുള്ള എന്തെങ്ങിലും കഴിക്കനമെങ്ങില്‍ പഴയ അമ്മൂമയെ തന്നെ വിളിക്കേണ്ടി വരും. അപചയം സംഭവിച്ചു കൊണ്ടിരിക്കുന്ന നല്ല പാചകം ഒരു കലയായി ഉള്‍കൊള്ളാന്‍ പുതു തലമുറയിലെ എത്ര പെണ്‍കുട്ടികള്‍ക്ക് കഴിയും..? ചെറുപ്പകാലത്ത് അമ്മയുണ്ടാക്കിത്തരുന്ന ഭക്ഷണവും , അത് സ്നേഹത്തോടെ വിളമ്പി തരുമ്പോള്‍ ഉണ്ടാകുന്ന ഒരു സുഖവും, വെറുതെ എന്തിനു നഷ്ടപെടുത്തണം..? മൂന്നു നാലു പേരു ഭക്ഷണം കയ്യിട്ടിലക്കിയാല്‍ ഭക്ഷണം അശുദ്ധമാകും, പരിപാവനമായ ഉണ്ണിയപ്പത്തിനു പൂപ്പല്‍ വന്നപോലെ. എന്നെ പോലെ വിദേശത്ത് താമസിക്കുന്ന എത്രയോ പേര്‍ ഇന്നും രുചികരമായ ഭക്ഷണം പാകം ചെയ്തു ജോലിക്ക് പോകുന്നു. അതൊരു സമയ നഷ്ടമോ, സ്ത്രീകള്‍ ഇന്നനുഭവിക്കുന്ന സംഘര്‍ഷമോ ആയി തോന്നിയിട്ടില്ല. അത് കൊണ്ടായിരിക്കും ഒരു പക്ഷെ പണ്ട് കാലത്തും നളപാചകം പ്രസിദ്ധമായിരുന്നത്.

ഭര്‍ത്താക്കന്മാര്‍ക്ക് നല്ല ഭക്ഷണം വിളമ്പി കൊടുത്താല്‍ അവര്‍ ഒരുകാലത്തും മറക്കില്ല എന്ന് ആരോ പറഞ്ഞതായി കേട്ടിട്ടുണ്ട് . വിദേശങ്ങളില്‍ പോയി താമസ്സിക്കേണ്ടി വരുന്ന സ്ത്രീകള്‍ അത്യാവശ്യം കുക്കിംഗ് പഠിക്കുന്നതില്‍ തെറ്റില്ല . അവിടെയെല്ലാം ഹോട്ടലുകള്‍ ഉണ്ടെങ്കില്‍ തന്നെ , ധന നഷ്ടം വരാതെയും , ഉദര സംബന്ധിയായ രോഗങ്ങൾ വരാതെയും സൂക്ഷിക്കാം . നന്നായി ഭക്ഷണം പാകം ചെയ്യാന്‍ കഴിയുന്നത്‌ തികഞ്ഞ സ്ത്രീത്വത്തിന്റെ ലക്ഷണമാണ് .

ഒരു വീട്ടില്‍ രണ്ടു അടുപ്പ് ആശയം നെഗറ്റീവ് ആയതിനാല്‍ സമൂഹപചകം കൂടുതല്‍ കയ്യടി വാങ്ങും എന്നും മനസ്സിലായി . ഒരു അടുപ്പ് , ഒരു വീട്, ഒരു കുടുംബം. വ്യക്തികള്‍ നന്നായാല്‍ കുടുംബം നന്നാവും , കുടുംബങ്ങള്‍ നന്നായാല്‍ സമൂഹം നന്നാവും , അതല്ലേ കൂടുതല്‍ ശരി...? വീട്ടിലെ പാചകം കുടുംബങ്ങളുടെ കെട്ടുറപ്പിന് അടിസ്ഥാനം എന്ന ആശയത്തിനെ തുരങ്കം വെക്കാനെ ഈ ആശയത്തിന് കഴിയൂ. പണ്ടുള്ളവര്‍ പട്ടിണി ആണെങ്കിലും ഉള്ളത് വെച്ചു വിളമ്പി ഒരു തീന്മേശയില്‍ ഒന്നിച്ചിരുന്നു പ്രാര്‍ത്ഥിച്ചു ഭക്ഷണം കഴിച്ചിരുന്ന കാലം ഉണ്ടായിരുന്നു. tv യില്‍ സീരിയലും ക്രിക്കെറ്റും വന്നതോടെ അത് മാറി . പണവും സമയവും ലാഭിച്ചു ലാഭിച്ചു മലയാളികള്‍ ഇന്നൊരു വഴിക്കായി ." ചെറിയ കലത്തിലെ പാചകം വലിയ കലത്തിലേക്കാവുന്നതിലേക്കുറിച്ചുള്ള ചിന്തകള്‍ അമ്മൂമ്മയുടെ ചോറ് കലത്തിലേക്ക് എത്തിച്ചേരുന്നത് സ്വാഭാവികം മാത്രം ". മനസ്സ് മാറ്റിയാല്‍ മതി. ചോറ് കഴിക്കാതെ തന്നെ വയറു നിറക്കാം.

ദുബായ് ഷോപ്പിംഗ്‌ ഫെസ്ടിവല്‍ സമയത്തെ മുഖ്യ ആകര്‍ഷണമായ ഗ്ലോബല്‍ വില്ലേജിലെ തിരക്ക് പിടിച്ച ഒരു തണുപ്പുള്ള ദിവസം. ഒരുപാട് കാഴ്ച വിസ്മയങ്ങള്‍ വിവിധ രാജ്യങ്ങളുടെ പവലിയനുകളില്‍ അരങ്ങു തകര്‍ക്കുന്നു. അതതു രാജ്യക്കാര്‍ അവരുടെ തനതായ കലാരൂപങ്ങള്‍ , മാജിക് ഷോ, കാര്‍ണിവല്‍ പരേട്‌, സര്‍ക്കസ് എന്ന് വേണ്ട, ശരിക്കും ഒരു ഉത്സവ പറമ്പിന്റെ പ്രതീതി. കാഴ്ചക്കാരില്‍ ഭൂരിഭാഗം പേരും മലയാളികള്‍ അടക്കമുള്ള ഇന്ത്യക്കാര്‍ .

പെട്ടന്നാണ് പ്രധാന സ്റ്റേജില്‍ ഇന്ത്യന്‍ ഡാന്‍സ് (സിനിമാറ്റിക് ) ആരംഭിച്ചത്. പാട്ട് തുടങ്ങിയതും മറ്റു പരിപാടികള്‍ ആസ്വദിച്ചു കൊണ്ടിരുന്ന ഇന്ത്യക്കാരെല്ലാം അങ്ങോട്ട്‌ പാഞ്ഞു. ജനങ്ങളെ മുഴുവന്‍ ആകര്‍ഷിച്ച പാട്ട് ഏതാണെന്ന് അറിയണ്ടേ "ചോളി കെ പീച്ചേ ക്യാ ഹേ....! ". ഒരുപാടു തവണ കേട്ട് മടുത്ത പാട്ട് ആണെങ്കിലും, ഇന്ത്യക്കാര്‍ക്കിടയില്‍ ഒരു തരംഗം സൃഷ്ടിക്കാന്‍ ആ പട്ടിന് കഴിഞ്ഞു എന്നതാണ് സത്യം . ആളുകള്‍ കുറഞ്ഞതോടെ മറ്റു രാജ്യക്കാരുടെ പരിപാടികള്‍ പതുക്കെ പൂട്ടി കെട്ടി. ഞാന്‍ അതിശയിച്ചു പോയി. "ചേരയുടെ നാട്ടില്‍ ചെന്നാല്‍ നടു കഷ്ണം തിന്നണം" എന്ന് കേട്ട് വളര്‍ന്ന നമ്മള്‍ ഒറ്റ നിമിഷം കൊണ്ട് ഒന്നായി. ഇതു മാതൃ സ്നേഹം കൊണ്ടാണോ...? അതോ. മറ്റു കലാരൂപങ്ങലോടും സംസ്കരങ്ങലോടുള്ള നമുക്കുള്ള താല്‍പര്യക്കുറവും അവജ്ഞയും ഉള്ളിന്റെ ഉള്ളില്‍ കടന്നു കൂടിയത് കൊണ്ടോണോ..?. ഒരു കാര്യം പറയാതെ വയ്യ. ഇന്ത്യന്‍ വിസ്മയം ശരിക്കും ആസ്വദിച്ചത് മൊബൈല്‍ ക്യാമറകളാണ്. പരിപാടി ഏതായാലും മൊബൈല്‍ വീഡിയോ പിടുത്തം ഇന്നൊരു സംഭവം ആണ്. നേരിട്ടുള്ള ആസ്വാദനത്തില്‍ കഴമ്പില്ല. റെക്കോര്‍ഡ്‌ ചെയ്യപ്പെട്ട വീഡിയോ പിന്നീട് ആരെങ്ങിലും കാണാറുണ്ടോ ആവോ..? സ്വയം വിലയിരുത്തട്ടെ...!

ഗള്‍ഫില്‍ എത്തുന്ന മലയാളികളുടെ മറ്റു ചില സ്വഭാവങ്ങള്‍ ചുവടെ ചേര്‍ക്കുന്നു.

ചൂടുകാലങ്ങളില്‍ എല്ലാവരും ശീതികരിച്ച മുറികളില്‍ കിടന്നുറങ്ങുന്നു. കട്ടി കൂടിയ കമ്പിളി പുതപ്പും ധരിച്ചു...!

ഗള്‍ഫില്‍ പോയാല്‍ കുളിക്കാന്‍ ചന്ദ്രിക സോപ്പും കഴിക്കാന്‍ നാടന്‍ വിഭവങ്ങളും. നാട്ടില്‍ വന്നാല്‍ ലക്സ് സോപ്പും, ചിക്കന്‍ ബര്‍ഗറും, ഷവര്‍മയും.

ഗള്‍ഫുകാരന്‍ നാട്ടില്‍ മറക്കാതെ കൊണ്ടു പോകുന്ന മൂന്ന് സാധനങ്ങള്‍ ടോര്‍ച്ചു , സ്വര്‍ണം പിന്നെ കുപ്പി.

നാട്ടില്‍ കൊടി പിടിക്കും. ഗള്‍ഫില്‍ കുടി പഠിക്കും.

പണം ഉണ്ടെങ്ങിലും നാട്ടിലേക്കു വിളിക്കാന്‍ സമയമില്ലത്തവന്‍ , കല്യാണം കഴിഞ്ഞാല്‍ ഭാര്യക്ക്‌ ഫോണ്‍ വിളിച്ചു പിച്ചയെടുക്കുന്നവന്‍

ഗള്‍ഫുകാരന്‍ ഏറ്റവും കൂടുതല്‍ ഉപയോഗിക്കുന്ന വാക്ക് "ഒരു വര്ഷം കൂടി "



അടിക്കുറിപ്പ് :

പോത്ത് വിരട്ടി നാട്ടുകാരെ ഓടിച്ച കഥകള്‍ കേട്ടിട്ടുണ്ട്. പോത്തിറച്ചി "വിരട്ടിയത്" കാണണമെങ്കില്‍ ഇന്ത്യന്‍ പവലിയനിലേക്ക് വിട്ടോളൂ .കണ്ടു പിടിച്ചാല്‍ കമെന്‍റ് എഴുതാന്‍ മറക്കരുതേ..

വിഷയം : മലയാളികള്‍ മാറേണ്ട അഭിരുചികള്‍

ആതുര സേവനം കേരളത്തില്‍




ആരോഗ്യവകുപ്പ് : "ഞങ്ങളാ വലുത് "ആശുപത്രി മാനേജ്മെന്റ്റ് : "ഞങ്ങളാ വലുത് "
ഡോക്ടര്‍ : "ഞങ്ങളാ വലുത് "
നേഴ്സുമാര്‍ : "ഞങ്ങളാ വലുത് "
ഫാര്‍മസിസ്റ്റ് : "ഞങ്ങളാ വലുത് "
രോഗി : "ഞങ്ങളാ വലുത് "
ഞങ്ങള് : "രോഗം വരാതെ സൂക്ഷിക്കുന്നതാ നല്ലത്"

******************************************************************************
അഴിമതിയും മാലിന്യവും



"ഭാരതം എന്ന് കേട്ടാല്‍ അഴിമതി പൂരിതമാകണം അന്തരംഗം,
കേരളം എന്ന് കേട്ടാലോ വമിക്കണം ദുര്‍ഗന്ധം ഓടകളില്‍ ".
ഇന്ത്യന്‍ രാഷ്രീയ അഴിമതി കഥകള്‍ കുന്നു കൂടുന്നതിനനുസരിച്ച്,
കേരളത്തിലെ മാലിന്യ പ്രശ്നങ്ങളും രൂക്ഷമാകുന്നു.

******************************************************************************
ഇടനിലക്കാരന്‍