"കേൾക്കാമോ .....കേൾക്കാമോ.....ഏതാനും നിമിഷങ്ങൾക്കകം ചൊവ്വ ബുധനിൽ ഇറങ്ങുന്നതായിരിക്കും. ഇറങ്ങുമ്പോൾ ഇടതു കാലാണോ വലതു കാലാണോ വെക്കുന്നത് എന്ന് നമുക്ക് കാത്തിരുന്ന് കാണാം. .... ഈ പേടകം ഉണ്ടാക്കിയ കമ്പനി ചെയർമാൻ ഞങ്ങളുടെ സ്റ്റുഡിയോ വിൽ ഇന്നും ഇപ്പോൾ തന്നെ ഇറങ്ങാനുള്ള ഒന്നാമത്തെ ബട്ടണ്‍ ഓണ്‍ ചെയ്യുന്നതായിരിക്കും രണ്ടാമത്തെ ബെൽ അടിക്കുന്നതോട് കൂടി, ജ്വലനം തുടങ്ങുന്നതായിരിക്കും....ക്രമസമാധാനം പൊതുവേ മേഘാവൃതമാണ്.....അതെ അവസാനം രണ്ടാമത്തെ ബെല്ലും മുഴങ്ങി ...മായൻ രണ്ടു കാലും മൂന്ന് കയ്യും നിവർത്തി സുരക്ഷിതാനായി ലാൻഡ്‌ ചെയ്തിരിക്കുകയാണ്. അങ്ങിനെ വാശിയേറിയ ഓട്ട മത്സരത്തിൽ ഇന്ത്യയുടെ മായൻ ഒന്നാമതായി വിജയിച്ചിരിക്കുകയാണ്... ചൊവ്വയിൽ എങ്ങും വൻ ആഹ്ലാദ പ്രകടനങ്ങൾ ആണ് കാണാൻ കഴിയുന്നത്‌.. ... " സൂന്യകാശത്ത് നിന്നും കേരളത്തിലെ "ഉ" TV യുടെ ക്യാമറ മേനോനൊപ്പം റിപ്പോർട്ടർ ശശി.

(ശശി, ക്യാമറ മെനോനോട് : ഡാ.....ശവീ ... ഈ സാധനം നാളെ വരും എന്നല്ലെടാ പറഞ്ഞിരുന്നത്, നേരത്തേ എത്തിയെന്ന് പറഞ്ഞാൽ കൊഴപ്പാകോ ...?
ക്യാമറ മെനോനോൻ: പുറപ്പെട്ടു....പുറപ്പെട്ടു ....വേണേൽ അര മണിക്കൂർ നേരത്തെ പുറപ്പെടാം എന്നല്ലേ നമ്മ പഠിച്ചിട്ടുള്ളത്. )

ഇടപ്പള്ളി വളവു തിരിഞ്ഞതും കാറ് ഒരു കുലുക്കത്തോടെ ഓഫായി. "പണി പാളി സായിപ്പേ ...പെട്രോള് ഫിനിഷ്. ടുഡേ പെട്രോൾ പമ്പ് ഹർത്താല്. വേണമെങ്ങിൽ സായിപ്പിൻറെ സ്കോച്ച് വിസ്കി ഒഴിച്ച് വണ്ടി ഓടിച്ചു പോകാം" മനസ്സില്ലാ മനസ്സോടെ സ്കോച്ച് കുപ്പി ഡ്രൈവർ രാജപ്പന് കൈമാറി. സായിപ്പു കാണാതിരിക്കാൻ കാറിൻറെ ഡിക്കി തുറന്നു പിടിച്ച് ഒരു മറയുണ്ടാക്കി കുപ്പി നേരിട്ട് വായിലോട്ടു കമഴ്ത്തി... ഒറ്റ വലിക്കു പകുതി കുപ്പി അകത്താക്കി. "ഇനി പോകാം സായിപ്പേ ...! പാതി കുപ്പി സായിപ്പിന് തിരിച്ചു കൊടുത്തു രാജപ്പൻ വണ്ടി ഓടിക്കാൻ തുടങ്ങി..
കടവന്ത്ര പാലം കടന്നതും കാറ് ഒരു കുലുക്കത്തോടെ വീണ്ടും ഓഫായി. "പണി അഗൈൻ പാളി സായിപ്പേ ...റേടിയെറ്ററിലെ വെള്ളം വറ്റി ന്നാ തോന്നണേ. വെള്ളക്കരം ടൂ മച്ച് ഇങ്ക്രീസ്. കേരള വാട്ടർ ടുഡേ ഹർത്താല്. വേണമെങ്ങിൽ സായിപ്പിൻറെ സ്കോച്ച് വിസ്കി ഒഴിച്ച് വണ്ടി തണുപ്പിച്ചു ഓടിച്ചു പോകാം" മനസ്സില്ലാ മനസ്സോടെ സ്കോച്ച് കുപ്പി രാജപ്പന് കൊടുത്തു . സായിപ്പു കാണാതിരിക്കാൻ കാറിൻറെ ബോണറ്റ് തുറന്നു പിടിച്ച് ഒരു മറയുണ്ടാക്കി കുപ്പി നേരിട്ട് വായിലോട്ടു കമഴ്ത്തി... ഒറ്റ വലിക്കു ബാക്കി ഉണ്ടായിരുന്ന പകുതി കുപ്പിയും അകത്താക്കി. "ഇനി പോകാം സായിപ്പേ ...! കാലിയായ കുപ്പി സായിപ്പിന് തിരിച്ചു കൊടുത്തു രാജപ്പൻ വണ്ടി ഓടിക്കാൻ തുടങ്ങി. വിസ്കിയുടെ ലഹരി രാജപ്പൻറെ തലയ്ക്കു പിടിച്ചതോടെ കാറ് "ഗ " ആകൃതിയിൽ മുന്നോട്ടു പാഞ്ഞു.
സായിപ്പിന് ഇറങ്ങേണ്ട ഹോട്ടൽ എത്തിയതും കാറ് ഒരു കുലുക്കത്തോടെ വീണ്ടും ഓഫായി. "കാറ്റ് പോയി സായിപ്പേ ...ടയറു പഞ്ചർ ആയി ന്നാ തോന്നണേ. എയർ അടിക്കാനാണെങ്ങിൽ എയർ ഇന്ത്യ ഇന്ന് പണി മുടക്കാ .... വേണമെങ്ങിൽ സായിപ്പിൻറെ സ്കോച്ച് വിസ്കി ഒഴിച്ച് എയർ അടിച്ച് ......." ഇത്തവണ രാജപ്പൻറെ ഉപദേശം കേൾക്കാൻ സായിപ്പു കാത്തു നിന്നില്ല. കയ്യിലുള്ള ഒരു കുപ്പിയും എടുത്തു സായിപ്പ് കാറിൽ നിന്നും ഇറങ്ങി, അടുത്തുള്ള ഒരു ഹോട്ടലിൽ ചെന്ന് അവിടെ കഴിക്കാൻ എന്തെങ്കിലും ഉണ്ടോ എന്ന് അന്വേഷിച്ചു,...ഉടനെ സായിപ്പിൻറെ കയ്യിലുള്ള സ്കോച്ച് വിസ്കിയുടെ കുപ്പി കണ്ടതും, ഹോട്ടല്കാരൻ
"കുക്കിംഗ് ഗ്യാസ് ഹർത്താൽ സായിപ്പേ ...വേണേൽ സായിപ്പിൻറെ സ്കോച്ച് വിസ്കി ഒഴിച്ച് മണ്ണെണ്ണ സ്റ്റവ് കത്തിക്കാം"
സായിപ്പ് പുലമ്പി കൊണ്ട് തിരിച്ചു നടന്നു. "ആൾക്കഹോൾ കണ്‍ട്രോൾട് എവരിതിങ്ങ് ഇൻ കേരള"

"ആകാശമേ... മദ്യമഴ പെയ്യട്ടെ" എന്ന് ഋഷ്യശൃംഗൻ ആകാശത്തോട് പറഞ്ഞപ്പോൾ മദ്യമഴ പെയ്യാൻ തുടങ്ങി. ബിയറും ബ്രാണ്ടിയും വിസ്കിയും വോഡ്കയും കൂതറയും മാറി മാറി പെയ്തു. കുടിയന്മാർ ""ദും ദും ദും ദുന്ദുഭിനാദം" " നൃത്തചുവടുകൾ വെച്ച് മുണ്ടഴിച്ച് ആറാടി. ഇടയ്ക്കു ഒരു ടച്ചിങ്ങ്സ് പോലെ മുഖ്യമന്ത്രിക്ക് തെറിയും വിളിക്കുന്നുണ്ട്. കുടിയന്മാരുടെ സന്തോഷത്തിനു ഇതിൽ കൂടുതൽ ഇനി എന്ത് വേണം...? അവസാനം കുടിയന്മാരെല്ലാം വാള് വെച്ച് പമ്പായാപ്പോൾ മഴ നിന്നു. എങ്ങും ശാന്തം.
പൊടുന്നനെ എങ്ങു നിന്നോ അതിവേഗം ഒരു അശീരീരി പോലെ പാഞ്ഞു വന്ന് മുഖ്യനും കൂട്ടരും ഋഷ്യശൃംഗനു ഒരു രസീതി എഴുതി കയ്യിൽ കൊടുത്തു. ആകെ പെയ്ത
മദ്യമഴയുടെ 50% നികുതി അടക്കാനുള്ള രസീതി കൈ പറ്റുമ്പോൾ ഋഷ്യശൃംഗൻറെ മുഖത്ത് കമലദളം വിരിഞ്ഞു. ഇതൊന്നുമറിയാതെ നിഷ്കളങ്കരായി ചരിഞ്ഞ കുടിയന്മാർ അടുത്ത മഴക്കു മുമ്പുള്ള ഉയിർത്തെഴുന്നേൽപിനായി ആക്കം കൂട്ടുകയായിരുന്നു.