എയര്‍ ഫോര്‍സില്‍ ചേരാനായി ഇന്റര്‍വ്യൂ കാര്‍ഡ്‌ കിട്ടിയതനുസ്സരിച്ചു, അതി രാവിലെ കൊച്ചിയില്‍ ബസ്സിറങ്ങി. ആദ്യം കണ്ട സുഹൃത്തിനോട്‌ മുല്ലശ്ശേരി കനാല്‍ റോട്ടിലുള്ള ചെറി ഭവനിലേക്കുള്ള വഴി ചോദിച്ചു.

"അതിനെന്താ ഞാനും അങ്ങോട്ട്‌ തന്നാ, ഒരുമിച്ചു പോകാമല്ലോ"

രക്ഷപെട്ടു...! വഴി അന്വേഷിച്ചു ബുദ്ധിമുട്ടെണ്ടല്ലോ.

"നിങ്ങള്‍ എവിടന്നു വരുകയാ എന്തെങ്ങിലും കഴിച്ചോ...?"

സുഹൃത്തിന്‍റെ ചോദ്യം എനിക്കിഷ്ടമായി. വളരെ കാലങ്ങള്‍ക്ക് ശേഷമാണു, ഒരാള്‍ എന്നോട് സുഖഅന്വേഷണങ്ങള്‍ ചോദിക്കുന്നത്. എനിക്ക് ആണെങ്ങില്‍ നല്ല വിശപ്പും.

"എവിടാ നല്ല പ്രാതല്‍ കിട്ടുന്നത് എന്നറിയാവോ...?"

ചിരിച്ചു കൊണ്ട് സുഹൃത്ത്‌ "അതിന് എന്താ, അസ്സല് പുട്ടും കടലേം കിട്ടുന്ന ഒരിടം ഉണ്ട്. ഇവിടെ അടുത്ത് തന്നാ"

സുഹൃത്ത്‌ പറഞ്ഞതനുസരിച്ച്, അടുത്ത് തന്നെയുള്ള ഒരു ടി സ്ടാളില്‍ പോയി വയറു നിറച്ചു പ്രാതല്‍ കഴിച്ചു. പൈസ കൊടുക്കാന്‍ നേരം കാഷ്യര്‍ വേണ്ടെന്നു പറഞ്ഞു . ഞാന്‍ അത്ഭുതപെട്ടു ചോദിച്ചു

"അതെന്താ അങ്ങിനെ..? നാട് മുഴുവന്‍ വിലക്കയറ്റം കൊണ്ട് സഹി കേട്ട് നില്‍ക്കുമ്പോള്‍ ഒരു ഫ്രീ സര്‍വീസ്..?"