ഈ വിഷയവുമായി നടന്നു വരുന്ന തുടര്‍ സംഭവങ്ങളും, ഓരോ ചര്‍ച്ചകളും പോസ്റ്റുകളും കമന്‍റുകളും ഒരു ബലാത്സംഗത്തെ തന്നെ വീണ്ടും വീണ്ടും ബലാല്‍സംഗം ചെയ്യുന്നതായിട്ടാണ് എനിക്ക് തോന്നുന്നത്. മൂല കാരണം കണ്ടു പിടിക്കാന്‍ ശ്രമിക്കുന്ന പലരും, ചെറിയ ചിന്തയില്‍ തുടങ്ങി, പിന്നെ ദിശ മാറി, പാര്‍ട്ടിയിലും, മതത്തിലും വര്‍ഗ്ഗത്തിലും വേഷത്തിലും മദ്യത്തിലും മയക്കു മരുന്നുലും ഞരമ്പ്‌ രോഗികളിലും സ്ത്രീ പുരുഷ സമത്വത്തിലും, വലിയ വലിയ സംവാദങ്ങള്‍ നടത്തി, അവസാനം വിഷയം തന്നെ ഒന്നുമല്ലാതായി തീരുന്നതാണ് കണ്ടു വരുന്നത്. എല്ലാ സംഭവങ്ങളും വിവാദങ്ങളും ചെന്ന് അവസാനിക്കുന്നത്‌ അങ്ങിനെ തന്നെ ആണല്ലോ. അതിനിടയില്‍ അവസരം മുതലാക്കി, ഏതൊക്കെ രീതിയില്‍, എങ്ങിനെയൊക്കെ ഷൈന്‍ ചെയ്യാന്‍, പറ്റുമോ എന്നാണ് ഞാനടക്കം ഓരോരുത്തരും ചിന്തിക്കുന്നത്. രാഷ്ട്രീയ പാര്‍ട്ടികള്‍ മുതല്‍ ചാനലുകള്‍, സിനിമകള്‍, ടോക്ക് ഷോകള്‍ വരെ ഇതിനെ ഏതൊക്കെ രീതിയില്‍ വലിച്ചിഴച്ചു കച്ചവടം ചെയ്തു കഴിഞ്ഞു എന്ന് നാം കുറച്ചു ദിവസങ്ങളായി കണ്ടു കൊണ്ടിരിക്കുകയാണ്. ഒരു ബലാത്സംഗത്തിനെ മറ്റൊരു ബലാല്‍സംഗം ചെയ്തു കൊഴുപ്പിക്കുക. അത്ര തന്നെ...!. ഇതു എഴുതി കൂടുതല്‍ ലൈക്ക് എങ്ങിനെ അടിച്ചു മാറ്റം, അല്ലെങ്ങില്‍ കുറെ പേരുടെ മുന്നില്‍ ബുദ്ധിജീവി നടിച്ചു പെരെടുക്കാം എന്നതിനുപരി, തുടര്‍ വെളിപ്പെടുത്തലുകളെ കുറിച്ച് ഒന്നും തന്നെ പറയാനില്ല. കാരണം ഭൂമി ഇനിയും ഉരുളും എന്നുള്ള എന്‍റെ വിശ്വാസം തന്നെ. പൊതു സമൂഹം "പോത്തു" സമൂഹം ആയി മാറി കഴിഞ്ഞു. ഇതുപോലെ ഇനി എത്രയോ കാണാന്‍ കിടക്കുന്നു. സ്ത്രീ ആയാലും കുട്ടികള്‍ ആയാലും പുരുഷന്‍ ആയാലും നിങ്ങളെ സൂക്ഷിക്കേണ്ടത് നിങ്ങള്‍ തന്നെ ....!