ഈ അടുത്ത കാലത്ത് എന്നെ ഒരുപാടു സ്വാധീനിച്ചിട്ടുള്ള വ്യക്തിയാണ് ഈ ഫോട്ടോയിൽ കാണുന്നത്. "പാഷാണം" എന്ന് ഇരട്ടപേരുള്ള ഈ വിദ്വാൻ കാട്ടികൂട്ടുന്ന വിക്രിയകൾ ഞാൻ പഠിച്ചു കൊണ്ടിരിക്കുകയാണ്. ഇദ്ദേഹത്തിൻറെ സാഹസങ്ങൾ ഞാൻ ശ്വാസം പിടിച്ചാണ് കാണുന്നത്. തലവര ശരിയല്ലാത്ത കാരണമായിരിക്കാം അവസരങ്ങൾ കിട്ടാതെ പോകുന്നത്.കയ്യില്‍ കരുതിയിരുന്ന വിത്തുകളുടെ കുട്ടകളില്‍ നിന്നും കുറെ വിത്തുകള്‍ വാരി കൃഷിയിടത്തെക്കെറിഞ്ഞു. അതില്‍ ചിലത് പാറ പുറത്തു വീണു, അവ പക്ഷികള്‍ ഭക്ഷിക്കുകയും,ബാക്കി വന്നത് വെയിലത്ത് വാടി കരിഞ്ഞു പോകുകയും ചെയ്തു. മറ്റു ചിലതോ മുള്‍പടര്‍പ്പുകളില്‍ വീണു. അവ മുളച്ചു വന്നപ്പോള്‍ മുള്‍ച്ചെടികള്‍ അവയെ വളരാന്‍ അനുവദിക്കാതെ ഞെക്കി ഞെരുക്കി കളഞ്ഞു. ബാക്കിയുള്ളവ നല്ല നിലത്ത് വീണു, അവയോ മുളച്ചു വളര്‍ന്നു വലുതായി നല്ല ഫലം തന്നു. കുട്ടികളെ നിങ്ങള്‍ നല്ല നിലത്ത് വീണ വിത്തുകള്‍ പോലെയാകണം എന്ന് ബൈബിളിൽ പറയുന്നുണ്ട്. തഴച്ചു വളർന്നാൽ പിന്നെ അതിനെ നല്ല ഫലമായി നാട്ടുകാർ കറി വെച്ച് തിന്നും. അതോടെ കഥ അവസാനിച്ചു. വളർച്ചയെ വെല്ലുവിളിക്കുന്ന പരാജയപ്പെട്ട വിത്തുകളാണ് ഇനി ബാക്കിയുള്ളത്. യഥാർത്ഥത്തിൽ പലപ്പോഴും പരാജയപ്പെട്ടവരാണ് കഥയെ മുന്നോട്ടു കൊണ്ട് പോകേണ്ടത് . അതുകൊണ്ടാണ് ഞാൻ എപ്പോഴും പരാജയപ്പെടുന്നവരെ പഠിക്കാൻ ശ്രമിക്കുന്നത് . നെഗറ്റീവ് ഇല്ലാതെ പൊസറ്റിവിനു എന്ത് വിലയുണ്ട്‌...? മണ്ടന്മാർ ഉണ്ടെങ്കിൽ മാത്രമേ ക്ലാസ്സിൽ ബുദ്ധിമാൻ ജനിക്കുകയുള്ളൂ. തിരിച്ച് ബുദ്ധിമാൻ പഠിച്ചു ഡോക്ടർ ആയി മണ്ടന്മാരെ പരിപാലിക്കേണ്ടി വരുന്നത് എന്തുകൊണ്ടാണ് ..? . അടുത്തിടെ മലയാള സിനിമയിൽ ബുദ്ധിമാനായ റിംഗ് മാസ്റ്റർ ഒരുപാടു കഴിവ് തെളിയിച്ച സിനിമകൾ നാം കണ്ടതാണ്. അത് അന്ഗീകരിക്കുന്നതോടെ ആ നടൻ അവസാനിക്കുകയാണ്.പക്ഷെ സിനിമ മാഫിയ അടിച്ചേല്പിക്കുന്ന സിനിമ മാത്രമേ നമ്മൾ കാണാവൂ എന്ന് സ്വയം തിരുമാനിക്കുമ്പോൾ, പാഷാണം ഷാജി പോലുള്ളവർ കപ്പലണ്ടി കച്ചവടം നടത്തി ജീവിക്കുന്നത് തന്നെയായിരിക്കും നല്ലത്. അതോ, മികച്ചത് എന്ന് മുദ്ര കുത്തി പടച്ചു വിടുന്ന മുഴുനീള HD സിനിമകൾ കാണാതെ ലോ ക്ലാസ് യുട്യൂബ് പാഷാണം ഷാജിയിൽ ഒതുങ്ങി നില്ക്കുന്ന എൻറെ ചിന്താഗതികളുടെ മനോ വൈകല്യമോ...? അല്ലെങ്കിൽ നിങ്ങൾ തന്നെ പറയ് .... മലയാള സിനിമയിൽ സൂപ്പർ താരങ്ങളുടെ ഭാവി എന്തായിരിക്കും ...?